ԱՊՊԱ–ի թանկացման դեմ բողոքող վարորդներ ակցիա են իրականացնում ՀՀ կենտրոնական բանկի շենքի առջև։ Հավաքվածները հույս չունեն, որ Կենտրոնական բանկից որևէ մեկը կիջնի և կլսի իրենց, բայց, այնաամենայնիվ, եկել են իրենց խոսքն ասելու։
Ցուցարարների մեջ է նաև ճանապարհային երթևեկության փորձագետ, փաստաբան Արտակ Խաչատուրովը։
«Կենտրոնական բանկից պահանջում ենք վերացնել ԱՊՊԱ-ի թանկացման որոշումը, մինչև հանրային քննարկումներ իրականացվի ու ժողովուրդն իր կարծիքն ասի։ Այժմ Կենտրոնական բանկը որոշակի լծակներով ապահովագրական ընկերություններին ստիպում է վճարումներ կատարել։ Այսինքն Կենտրոնական բանկն ավելորդ ֆինանսական բեռով լծում է ապահովագրական ընկերություններին, վերջիններս էլ՝ վարորդներին »,-ասաց Խաչատուրովը։
Նրա խոսքով՝ Հայաստանի ապահովագրական պորտֆելը միջին հաշվով կազմում է տարեկան 22 միլիարդ դրամ։ Կենտրոնական բանկն ու ապահովագրական բյուրոն պետք է հիմնավորեն, որ նոր փոփոխությունների դեպքում պորտֆելը 22 միլիարդ դրամը չի գերազանցելու, հակառակ դեպքում վարորդներն ակնհայտ միտում են տեսնում ոլորտը դիտավորյալ թանկացման տանելու մեջ։
«Կենտրոնական բանկից պահանջում ենք վերացնել ԱՊՊԱ-ի թանկացման որոշումը, մինչև հանրային քննարկումներ իրականացվի ու ժողովուրդն իր կարծիքն ասի։ Այժմ Կենտրոնական բանկը որոշակի լծակներով ապահովագրական ընկերություններին ստիպում է վճարումներ կատարել։ Այսինքն Կենտրոնական բանկն ավելորդ ֆինանսական բեռով լծում է ապահովագրական ընկերություններին, վերջիններս էլ՝ վարորդներին »,-ասաց Խաչատուրովը։
Նրա խոսքով՝ Հայաստանի ապահովագրական պորտֆելը միջին հաշվով կազմում է տարեկան 22 միլիարդ դրամ։ Կենտրոնական բանկն ու ապահովագրական բյուրոն պետք է հիմնավորեն, որ նոր փոփոխությունների դեպքում պորտֆելը 22 միլիարդ դրամը չի գերազանցելու, հակառակ դեպքում վարորդներն ակնհայտ միտում են տեսնում ոլորտը դիտավորյալ թանկացման տանելու մեջ։
Խաչատուրովին ելույթից հետո ոստիկանները բերման ենթարկեցին նրան։
Այս պահին վարորդները որպես դժգոհություն միացրել են իրենց մեքենաների ազդանշանները։ Նրանք խոստանում են բողոքի ակցիան շարունակել Ապահովագրական բյուրոյի շենքի մոտ։
Հիշեցնենք, որ հունվարի 31-ին վարորդները ավտոերթ իրականացրին Հանրապետության հրապարակում, որից հետո 5 վարորդներ բերման ենթարկվեցին, իսկ նրանց մեքենաներն էլ երթևեկելի գոտուց ավտոքարշակներով տեղափոխվեցին այլ վայր։
Նշենք, որ Հայաստանի ապահովագրողների բյուրոն որոշում է կայացրել վերանայել ԱՊՊԱ–ի արժեքը, ինչի արդյունքում կբարձրացվեն բազային սակագները, ինչպես նաև փոփոխություններ կկատարվեն ապահովագրության արժեքի հաշվարկման համակարգում:
.png)
.png)