Սիրելի՛ հայրենակիցներ,
Ահա ավարտին մոտեցավ դժվարություններով, պայքարով , հիասթափություններով, ձեռքբերումներով լի ևս մեկ տարի: Սրտի ցավով պետք է արձանագրենք, որ դեռ ունենք բազում չլուծված հարցեր, որոնք հանգիստ չեն տալիս հայերիս, աշխարհի որ ծայրում էլ որ լինենք: Մեր բոլորի սրտերը այս տոներին լի են անհանգստությամբ ՝ Արցախը կրկին դժվար օրեր է ապրում, մեր հայրենիքը վտանգված է, և ապագայի հանդեպ անորոշությունը ծանոթ է բոլորիս: Այսօր չեմ ուզում մաղթանքներ ասել… այսօր գործելու ժամանակն է: Ուզում եմ , որ բոլորս վերջապես պատասխանատվություն ստանձնենք մեր հայրենիքի հանդեպ…յուրաքանչյուր հայ պետք է ջանք և եռանդ չխնայի երկրի զարգացան ու մեր հայրենիքի ապագայի կառուցման գործում իր ներդրումն ունենալու համար: Նորանոր մարտահրավերներին դիմակայելու համար մենք պետք է ազգովի հզորանանք, դառնանք մի բռունցք, մեկտեղենք մեր կարող ուժերը, և այդ ժամանակ դարը մե՛րն է լինելու:
Եկե՛ք 2023 թվականը դարձնենք նոր ձեռքբերումների, Հայաստանի հզորացման , հայերիս միասնականության, ստեղծելու և արարելու տարի: Այս դժվար պահին մենք ձախողելու իրավունք չունենք: Եվ հավատացեք՝ մենք քաղելու ենք մեր աշխատանքի պտուղները, ու բաց ճակատով ենք նայելու մեր զավակներին , քանզի ապրելու ենք մեր իսկ ջանքերով ամրացած, ոտքի կանգնած սուրբ հայրենիքում: Բոլորիս մաղթում եմ խաղաղություն, սեր, նորանոր ձեռքերումներ, ստեղծարար ոգի և բարօրություն: Մենք անպարատելի ենք միասին, մեր կամքն անսասան է՝ հզոր և ապրող հայրենիք ունենալու հարցում: Եվ ուրեմն գալիքդ թո՛ղ բարի լինի, Իմ ՀԱՅԱՍՏԱՆ…
Շնորհավո՛ր Ամանոր և Սուրբ Ծնունդ:
.png)
.png)