Ինչպես հայտնել էինք՝ հերոս Ալբերտ Հովհաննիսյանի մայրը՝ տիկին Մանիկ Աճեմյանը, վկայի կարգավիճակով հրավիրվել էր ՀՀ քննչական ծառայություն:

Հունիսի 28-ին  Մանիկ Աճեմյանի փոխարեն Քննչական ծառայություն ներկայացավ նրա փաստաբանը։

«2020 թվականը Մանիկ Աճեմյանի համար ծանրագույն տարի էր, քանի որ տարին սկսվեց համավարակի դեմ պայքարով, իսկ նա, հանդիսանալով Իզմիրլյան ԲԿ-ի  բուժաշխատող, համավարակի դեմ պայքարի առաջնագծում էր։ Այնուհետև  44 -օրյա պատերազմի ժամանակ կորցրեց իր որդուն, ինչն անասելի հետք թողեց նրա վրա։ Այս հանգամանքով պայմանավորված, տիկին Աճեմյանը գտնվում է հուզական  վիճակում։ Նա հարգում է օրենքի պահանջը և կատարելու է իր   վրա դրված պահանջը, մասնավորապես՝ վկայի կարգավիճակով  ներկայանալ վարույթն իրականանցնող մարմին։

Կան հարգելի պատճառներ, որի  համար Աճեմյանը չկարողացավ ներկայանալ այսօրվա հարցաքննությանը, ուստի անձամբ ներկայացանք և այդ մասին հայտնեցինք վարույթն իրականացնող մարմնին»,- Vesti.am-ի հետ զրույցում ասաց փաստաբան Արթուր Նահապետյանը։

Ալբերտ Հովհաննիսյանի հայրը  հերթական անգամ նշեց, որ  Չարչյանի  գործը քաղաքական բնույթ  է կրում, իսկ ինքն ու իր ընտանիքը քաղաքական թեմաների չեն մասնակցում։

«Որև է մեկը և՛ հարգանքից և՛ այլ պատճառներից ելնելով՝ չեն կարող մեզ հետ պարտադրանքի լեզվով խոսել»,-խոսքը եզրափակեց հերոսի հայրը։

Նյութը՝ Vesti.am- ի