Այսօր՝ հունիսի 5-ին դերասանուհի, հաղորդավարուհի Աննա Ավետիսյանի տարեդարձն է․․․ 

Ասում են՝ 30 տարեկանից սկսած մարդը կտրուկ փոխում է իր մոտեցումներն ու սկզբունքները կյանքի հանդեպ։ Այսօր դուք հասել եք հենց այդ կետին։ Ինչ-որ բան, իսկապես, փոխվե՞լ է, թե՞ առանձնապես չեք զգում։ 

- 30-ից առաջ, թե 30-ից հետո, ես սիրում եմ մարդկանց։ Սա ամենամեծ պատվերն է վերից։ Եթե աշխարհն էլ շահեմ, բայց սեր չունենամ ու բաժին չտամ, ուրեմն զուր են այս և եկող մնացած երեսուն տարիները։  

Հիմա, երբ անհանգիստ ծովերի գրկում եմ ալիքվում, ես փնտրում եմ խաղաղության գագաթները․․․ 

Ուզում եմ ջրերում թողնել այդպես էլ ինձ ափ չհանած փայտե նավակս, հագնել եռատամ սեպերով կոշիկներ ու բարձրանալ․․․