«Արցախպրես»-ի թղթակցի հաղորդմամբ՝ այդ կապակցությամբ  Ստեփանակերտի Պոլ Էլյուարի տուն ֆրանկոֆոնիայի կենտրոնում  տեղի է ունեցել «Շուշիի մշակութային ժառանգության յուրացման և ոչնչացման ադրբեջանական քաղաքականությունը» խորագրով մամուլի ասուլիս, որը նախաձեռնել էին   բուհի Կովկասագիտության կենտրոնը և Մշակութային ժառանգության հանրային խորհուրդը:

 

Կովկասագիտության կենտրոնի ղեկավար Հովիկ Ավանեսովն ընդգծեց, որ պատերազմական գործողությունների ընթացքում մշակութային ժառանգության դիտավորյալ ոչնչացումը ոչ միայն հանդիսանում է մշակութային ցեղասպանություն, այլև՝ ռազմական հանցագործություն,որն ամրագրված է միջազգային մի շարք կոնվենցիաներում և բանաձևերում:

Մշակութային ժառանգության հանրային խորհրդի նախագահ Սերգեյ Շահվերդյանի խոսքով՝  Շուշիի օկուպացումից հետո կորսվել է թանգարանային և արվեստի գործերի շուրջ 13 հավաքածու:

ԱՀ ԿԳՄՍ նախարարի խորհրդական, պատմաբան  Մելանյա Բալայանը  մեզ հետ զրույցում նշել է,որ այսօրվա քննարկումը ևս մեկ առիթ է՝ ոչ  միայն անդրադառնալու 2020 թվականի հոկտեմբերի 8-ին տեղի ունեցած իրադարձություններին, այլև հետևություններ կատարելու հնարավորություն է: