«Սերը սիրուց հետո՝ կարոտով... ». մեծ համերգ՝ նվիրված ՀՀ վաստակավոր արտիստ Հայկոյի հիշատակին
Օգոստոսի 25-ին Երևանում մեծ համերգ տեղի կունենա՝ նվիրված ՀՀ վաստակավոր արտիստ Հայկոյի հիշատակին։
 
«Սերը սիրուց հետո՝ կարոտով... ». հենց նրա ծննդյան տարեդարձին՝ օգոստոսի 25-ին, Երևանի Կ. Դեմիրճյանի անվան մարզահամերգային համալիրում տեղի կունենա համերգը:
 
«Հայկոյի երգերը, Հայկոյի կինոերաժշտությունը, Հայկոյի մտքերն ու Հայկոյի անսահման աշխարհը՝ հայտնի արտիստների մեկնաբանությամբ և մեծ նվագախմբի կատարմամբ։
 
Մենք նշելու ենք մեծ արտիստի ծննդյան տարեդարձը միասին, օգոստոսի 25-ին ժամը 19:30-ին:
 
Տոմսերը կարող եք պատվիրել www.tomsarkgh.am , www.toms.am , www.ticketon.am կայքերում:
 
«Հայկո Հակոբյան մշակութային հիմնադրամն» իրականացնում է մշակութային մի շարք ծրագրեր՝ ՀՀ վաստակավոր արտիստ Հայկոյի ստեղծագործական ժառանգությունն արժանապատիվ ներկայացնելու և պահպանելու համար»,-նշվում է հիմնադրամի տարածած հաղորդագրությունում: