Ռուսաստանից Հայաստան ուղիղ ներդրումները գերազանցել են 3 մլրդ դոլարը։ Այս մասին են վկայում Եվրասիական զարգացման բանկի մոնիթորինգի արդյունքները։

2020 թվականի վերջի դրությամբ` դրանց ծավալները կազմել են 3 մլրդ 47 մլն դոլար։ Հայաստանը ռուսաստանյան ներդրումների խոշորագույն հասցեատերերից մեկն է իր ՀՆԱ–ի ընդհանուր ծավալի ցուցանիշով (օրինակ` Բելառուսի ՀՆԱ–ում ռուսական ներդրումները կազմել են 5 մլրդ 140 մլն դոլարից մի փոքր ավելի, սակայն Բելառուսի ՀՆԱ–ն գերազանցում է հայկականը 5 անգամ)։

2020 թվականի արդյունքներով` ԱՊՀ երկրների փոխադարձ ներդրումների ծավալը կազմել է շուրջ 46 մլրդ դոլար (որից 3 մլրդ–ը, ինչպես նշվեց, կազմում են Ռուսաստանից Հայաստան ներդրումները)։ Դրանց 1/3-ից մի փոքր ավելին կենտրոնացած է հումքային հատվածում (նավթի, գազի և մետաղական հանքաքարերի արդյունահանում), 12%–ը` քիմիական արդյունաբերության (այդ թվում նավթի և գազի վրա հիմնված) մեջ։