Թուրք ծովակալ Ջիհաթ Յայջըն մի հեռուստահաղորդման ժամանակ հայտարարել է, որ Ռուսաստանը մեծ վնաս է հասցնում Թուրքիային՝ Ուկրաինայում ռազմական գործարաններին հարվածելով:
Թուրքական Haberturk–ի եթերում թուրք ծովակալ, Թափքափըի համալասրանի դասախոս, դոցենտ Ջիհաթ Յայջըն նշել է, որ Ռուսաստանը Թուրքիային ինչ–որ մեսիջ է ուղարկում՝ հարվածելով Թուրքիայի ռազմական արդյունաբերության համար կարեւոր ուկրաինական գործարանի։
Նա հիշատակել է ռուսական ուժերի կողմից ռմբակոծված «Զորյա Մաշպրոեկտ» գործարանը՝ շեշտելով, որ Թուրքիան այդ գործարանի հետ պայմանագիր էր կնքել՝ թուրքական ԱԹՍ–ների, նավերի, ուղղաթիռների, օդանավերի շարժիչներ համատեղ արտադրելու համար։
Թուրք ծովակալը շեշտել է, թե Թուրքիան պետք է այդ գործարանի ինժեներներին բերի Թուրքիա՝ զարգացնելու թուրքական ազգային ռազմաարդյունաբերությունը։
.png)
.png)