Ֆրանսիայում ՀՀ դեսպանությունը տեղեկացնում է, որ Փարիզի քաղաքային խորհուրդն այսօր միաձայն ընդունել է բանաձև՝ ի պաշտպանություն հայ ժողովրդի։

«Բանաձևով Փարիզը դատապարտում է Հայաստանի ինքնիշխան տարածքի նկատմամբ Ադրբեջանի ագրեսիան՝ այն որակելով որպես միջազգային իրավունքի և մարդու իրավունքների կոպտագույն խախտումներ։

Փարիզի քաղաքային խորհուրդը կոչ է անում Ֆրանսիայի կառավարությանը՝ կիրառել պատժամիջոցներ Ադրբեջանի ղեկավարների նկատմամբ»,- նշված է Ֆրանսիայում ՀՀ դեսպանության հաղորդագրությունում։