Գիտեմ, որ Հայաստանի համար, այս տարածաշրջանի համար ծանր ժամանակներում ենք եկել, մասնավորապես հասկանում ենք՝ ողբերգական դեպքեր են տեղի ունեցել, բայց թույլ տվեք հիշեցնել, որ ԱՄՆ-ը երկպալատային ջանքեր է ներդնում, մասնավորապես, գերիների վերադարձի ուղղությամբ: Այդ մասին այսօր՝ հոկտեմբերի 18-ին, ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանի հետ համատեղ մամուլի ասուլիսի ժամանակ հայտարարեց ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսը:
«Մենք դեմ ենք ներխուժմանը, որը տեղի է ունեցել Հայաստանի ինքնիշխան տարածք, և պահանջում ենք, որ Ադրբեջանը վերադառնա ելման դիրքեր: Մենք նաև հասկանում ենք, որ ԱՄՆ-ը անելիք ունի՝ մասնավորապես, ուղղորդելով միջազգային համայնքին, համագործակցելով միջազգային կազմակերպությունների հետ այս երկարատև հակամարտությանը կարգավորված լուծում ապահովելու համար: Քննարկում ենք հակամարտությունը, քննարկում ենք ԱՄՆ-ի հնարավոր դերը»,- ասաց Փրայսը:
Նա խոսեց նաեւ Հայաստանի հանձնառության մասին՝ որպես ժողովրդավարական երկրի. «մենք որպես Ժողովրդավարական գործընկերության հանձնախումբ, նշել ենք, որ ազատ ընտրությունները հիմնաքարն են ժողովրդավարության, բայց ավելի կարևոր է, թե ինչ է տեղի ունենում ընտրությունից ընտրություն ժամանակահատվածում: Այն, ինչ արել է ՀՀ Ազգային ժողովը, մասնավորապես, հակակոռուպցիոն բարեփոխումների, ժողովրդավարության ամրապնդման ուղղությամբ, մեծապես գնահատելի է, և մենք հպարտ ենք, որ Կոնգրեսը ևս այստեղ ձեռքբերումներ ունի»,- ասաց Ժողովրդավարական գործընկերության հանձնախմբի նախագահը:
.png)
.png)