Նավթի համաշխարհային գները հինգշաբթի առավոտյան փոքր-ինչ բարձրանում են ՕՊԵԿ+ նիստի նախաշեմին, վկայում են սակարկությունների տվյալները։

Հյուսիսային ծովի Brent տեսակի նավթի խառնուրդի սեպտեմբերյան ֆյուչերսների գինը ավելացել է 0,16 տոկոսով՝ մինչեւ 74,74 դոլար, WTI-ի օգոստոսյան ֆյուչերսները՝ 0,2 տոկոսով՝ մինչեւ մեկ բարելը 73,62 դոլար։

Թրեյդերների ուշադրության կենտրոնում է լինելու ՕՊԵԿ+ նիստը, որը տեղի կունենա հինգշաբթի ավելի ուշ ժամի։ Վերլուծաբանները կարծում են, որ դաշինքը ավելացնելու է արդյունահանումն օգոստոսին՝ հումքի պահանջարկի աճի ֆոնին։

Իրավիճակը շուկայում ներկա պահին նպաստում է նավթի եւ նավթամթերքների գների աճին։ Մի կողմից՝ նկատվում է պահանջարկի կտրուկ աճ, մասնավորապես ԱՄՆ-ի կողմից, որտեղ աստիճանաբար հանվում են կարանտինային սահմանափակումները, մյուս կողմից՝ առաջարկի մակարդակը մնում է գրեթե անփոփոխ։ Սրա հետ կապված՝ փորձագետները նշում են հումքի հնարավոր դեֆիցիտ արդեն ընթացիկ տարում։