Հայաստանի բռնցքամարտի հավաքականի անդամ Նարեկ Մանասյանը դարձել է Եվրոպայի գավաթի անդրանիկ խաղարկության ոսկե մեդալակիր:

«Արմենպրես»-ի հաղորդմամբ` Մոնտեներգրոյի Բուդվա քաղաքում ընթացող գավաթի խաղարկության 92 կգ քաշային կարգի եզրափակիչում Մանասյանի մրցակիցն Իտալիայից Ազիզ Աբբես Մուհիդինն էր: Իտալացի բռնցքամարտիկը վնասվածքի պատճառով չի ներկայացել մենամարտին ու հաղթանակը շնորհվեց հայ մարզիկին։

Ավելի վաղ Հայաստանի հավաքականից Ռուդոլֆ Գաբրոյանը դարձել է Եվրոպայի գավաթի արծաթե մեդալակիր, իսկ Ռաֆայել Հովհաննիսյանը, Ռուսլան Ասլիկյանը և Բարեղամ Հարությունյանը` բրոնզե մեդալակիրներ: