«Բարգավաճ Հայաստան» կուսակցության առաջնորդ Գագիկ  Ծառուկյանին վստահեցնում էին, որ արտահերթ խորհրդարանական ընտրությունների արդյունքում կհավաքի ընտրողների ձայների 27%-ը: Այս մասին լրագրողների հետ զրույցում ասաց «Բարգավաճ Հայաստան» կուսակցությունից նախկին պատգամավոր Նաիրա Զոհրաբյանը:

Նա շնորհակալություն հայտնեց Ծառուկյանին, որ իրեն բերել է քաղաքականություն, սակայն կուսակցությունում եղել են մարդիկ, ովքեր աշխատել են իր եւ իր գործընկեր Գեւորգ Պետրոսյանի դեմ:

Նա նշեց, որ իր համար անսպասելի էր, որ Ծառուկյանի կուսակցությունը չկարողացավ մտնել խորհրդարան:

Զոհրաբյանի գնահատմամբ՝ Ծառուկյանին շրջապատում են մարդիկ, ովքեր  նրան «քաղցր սուտ» են ասում: