Սիրելի՛ աշակերտներ, ուսանողներ, ուսուցիչներ, ծնողներ

Սրտագին շնորհավորում եմ բոլորիս Գիտելիքի օրվա և նոր ուսումնական տարվա մեկնարկի կապակցությամբ:  Գիտելիքն անգին գանձ է, աշխարհը վերափոխելու և ավելի լավը դարձնելու միակ ուղին: Լինել զինված գիտելիքներով նշանակում է հաղթահարել ցանկացած խոչընդոտ, ցանկացած արգելք և պատնեշ: Գիտելիքն է այն ուժը, որը թույլ կտա մեզ շատ ու շատ դռներ բացել մեր երկրի համար:

Ուզում եմ  շնորհավորել մեր սիրելի ուսուցիչներին, ովքեր մեր կրթական համակարգի սիրտն ու ոգին են: Ձեր անմնացորդ նվիրումով դուք այն լույսն եք, որն ուղղորդում է մեր սերունդներին դեպի պայծառ ապագա:

Սիրելի՛ աշակերտներ և ուսանողներ, դուք մեր վաղվա պայծառ օրն եք, մեր երկրի ապագայի ուրվագիծը, և որքան ուշիմ ու խելացի լինեք, որքան շատ գիտելիք և հմտություն ստանաք, այնքան ավելի պայծառ է լինելու մեր երկրի ապագան: Սովորեք հանուն ձեր ապագայի, հանուն մեր երկրի ապագայի համար: Մեր բոլորի ջանքներն ուղղված են ձեր ապագան ավելի լավը դարձնելուն:

Մեր հայրենիքի հաջողության բանալին հենց ձեր ձեռքերում է, եղեք ուշիմ, խելացի, սովորեք անդադար, որպեսզի հպարտ կանգնեք ձեր իսկ ջանքերով ամրապնդված հայոց հողի վրա: Մաղթում եմ բոլորիդ բարի երթ, լուսավոր ճանապարհ և խաղաղ երկինք: