Ռուսաստանի արտգործնախարար Սերգեյ Լավրովը չորեքշաբթի կմեկնի Անթալիա, որտեղ բանակցություններ կվարի իր թուրք գործընկեր Մեւլյութ Չավուշօղլուի հետ: Ակնկալվում է, որ կողմերը կքննարկեն ինչպես երկկողմ, այնպես էլ միջազգային օրակարգի արդիական հարցեր, հաղորդում է ՏԱՍՍ-ը:
Անդրկովկասում տիրող իրավիճակը կդառնա բանակցությունների եւս մեկ կարեւոր թեմա:
Մեկնաբանելով Շուշիի հռչակագիրը՝ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկան ճիշտ չի համարում ԼՂ-ում կարգավորմանն առնչվող թեմաները տարածաշրջանի պետությունների արտաքին կապերի հետ խառնելը: Նա հիշեցրել է, որ տարածաշրջանում բազմաթիվ ջանքեր են գործադրվում խաղաղ ուղղությամբ շարժվելու համար:
Բացի այդ, հունիսի 24-ին ՌԴ եւ Թուրքիայի նախագահները հեռախոսազրույց են ունեցել, որի ժամանակ դրական են գնահատել ԼՂ-ում ռազմական գործողությունների եւ կրակի դադարեցման հսկողության ռուս-թուրքական համատեղ կենտրոնի աշխատանքը:
.png)
.png)