ՀՀ նախագահ Արմեն Սարգսյանը հիմա արտերկրում մասնագիտացված բժշկական հետազոտություններ է անցնում: 

 հարցմանն ի պատասխան հայտնել են նախագահի մամուլի ծառայությունից։ Նրանց խոսքով` դրանով է պայմանավորված այն հանգամանքը, որ նախագահն իր հրաժարականի մասին հայտարարել է արտերկրում գտնվելու ժամանակ:

Հիշեցնենք՝ Արմեն Սարգսյանը նախագահի պաշտոնից հրաժարական է ներկայացրել հունվարի 23-ին։

«Ինչպես տեղեկացվել է, նախագահը բուժզննում անցնելու նպատակով արձակուրդի մեջ է և արտերկրում է. Արմեն Սարգսյանի՝ արտերկրում բուժզննում անցնելը պայմանավորված է այն հանգամանքով, որ նա տարիներ առաջ հաղթահարել է ծանր հիվանդություն, որից հետո նա իր հիվանդությանը լավատեղյակ բժիշկների խմբի մշտական հսկողության տակ է»,–ասված է պատասխանում:

Տեղեկացվում է, որ այդ հետազոտություններն ընդհատելու անհնարինության պատճառով է, որ նախագահն իր վերոհիշյալ հայտարարությամբ հանդես է եկել արտերկրից:

Նշենք, որ Արմեն Սարգսյանը Հայաստանի Հանրապետության նախագահ է ընտրվել 2018թ. մարտի 2-ին՝ ՀՀ Ազգային ժողովի կողմից: 2018թ. ապրիլի 9-ին ստանձնել է Հայաստանի Հանրապետության նախագահի պաշտոնը: