Հայաստանում 200 մեգավատտ հզորությամբ ֆոտովոլտային էլեկտրակայան կկառուցվի։ Տեղեկությունը Facebook-ի իր էջում հայտնել է ՀՀ տարածքային կառավարման ու ենթակառուցվածքների նախարար Գնել Սանոսյանը` հավելելով, որ այսօր ՀՀ–ի և Արաբական Միացյալ Էմիրություններում գրանցված «Մասդար» ընկերության միջև ստորագրվել է կառավարության աջակցության համաձայնագիր։

Սանոսյանի խոսքով` «Մասդար» ընկերությունը, որը ծրագրի իրականացման համար մրցույթի հաղթող էր ճանաչվել այս տարվա հուլիսին, ներկայացրել է 0,0290 դոլար սակագին մեկ կվտ/ժ–ի համար:

Նա նշում է, որ ստորագրման արարողության ժամանակ իր խոսքում ասել է` ակնկալում է, որ այս փաստաթղթի ստորագրմամբ համատեղ երկարատև աշխատանքի սկիզբ կդրվի և նոր ծրագրեր կիրականացվեն։

Հավալենք, որ «Այգ-1» ծրագրի իրականացման համար ստեղծված համատեղ ըկերության բաժնետոմսերի 85 տոկոսը պատկանում է «Մասդար» ընկերությանը, 15 տոկոսը՝ ԱՆԻՖ-ին։