Այսօր կկայանա առաջնության քառորդ եզրափակչի վերջին մենամարտերը, ինչի արդյունքում հայտնի կդառնան կիսաեզրափակչի բոլոր զույգերը, փոխանցում է armsport-ը:

Հայաստանն այսօր 5 ներկայացուցիչ կունենա: Ժամը 13:00-ից ռինգ դուրս կգա 48 կգ քաշային Լուսինե Գևորգյանը՝ուժերը չափելով ռումինացի մարզուհու հետ:

Ժամը 17:30-ից պայքարի դուրս կգան 51 կգ քաշային Դավիթ Սաֆարյանը , 54 կգ քաշային Էրիկ Առստամյանը, 57 կգ քաշային Գոռ Ազիզյանը և 60 կգ քաշային Ոսկան Ոսկանյանը:

Բռնցքամարտի Եվրոպայի երիտասարդների առաջնությունն անցկացվում է «Միկա» մարզադահլիճում: Մուտքն ազատ է:

Վաղը՝ մայիսի 1-ին, կկայանան կիսաեզրափակիչ, իսկ մայիսի 2-ին՝ եզրափակիչ մենամարտերը: