Empire-ը կիսվել է Ինդիանա Ջոնսի 5-րդ ֆիլմի նոր կադրով: Նկարում Հարիսոն Ֆորդն է՝ որպես գլխավոր հերոս: Ֆիլմի պրեմիերան նախատեսված է 2023 թվականի հունիսի 30-ին։

Ֆրանշիզայի հինգերորդ մասը վերջինը կլինի Ֆորդի համար։ Սա ֆիլմաշարի առաջին ֆիլմն է, որը չի նկարահանվել Սթիվեն Սփիլբերգի կողմից։ Նա մնացել է նախագծում՝ որպես պրոդյուսեր։ Ֆիլմի ռեժիսորը Ջեյմս Մենգոլդն է:

«Ֆիլմը լի է արկածներով, ծիծաղով եւ իրական էմոցիաներով։ Դա եւ բարդ է, եւ հետաքրքիր։ Նկարահանումները ծանր էին, երկար ու  դժվար։ Բայց ես շատ գոհ եմ այն ​​արտադրանքից, որը մենք ստացել ենք», - պատմել է Ֆորդը Empire-ին տված հարցազրույցում:

Ինդիանա Ջոնսի նախորդ ֆիլմը թողարկվել է 2008 թվականին։ Այն ավարտվեց հերոսի ամուսնությամբ Մարիոն Ռեյվենվուդի հետ։ Այն ժամանակ ենթադրվում էր, որ դա սերիալի երջանիկ ավարտն է։ Ֆորդը համաձայնել է նկարահանվել նոր ֆիլմում, քանի որ ցանկանում էր «տեսնել, թե որտեղ է հայտնվում Ինդիանա Ջոնսն իր ճանապարհորդության վերջում»։