Ռուսաստանի նախագահ Վլադիմիր Պուտինը հայտարարել է, որ Հավաքական անվտանգության պայմանագրի կազմակերպությունը գործնականում ցույց է տվել իր ներուժը, արագ, վճռական և արդյունավետ գործելու ունակությունը: Պուտինը նման հայտարարություն է արել այսօր ընթացող ՀԱՊԿ պետությունների ղեկավարների Հավաքական անվտանգության խորհրդի առցանց նիստում։

«Կարևոր է, որ մեր երկրների զինվորականները պատրաստություն են անցնում միասնական ծրագրերով, սպառազինությունների, տեխնիկայի և կապի միասնական կամ համատեղելի նմուշներով են զինվում։ Խաղաղապահների հմտությունները կատարելագործվել են համատեղ զորավարժությունների ընթացքում, մասնավորապես, վերջերս անցկացված «Անխախտ եղբայրություն» զորավարժություններում, այդ թվում ՝ Սիրիայում ձեռք բերած ռուսական փորձի կիրառումից»,–ասել է Ռուսաստանի նախագահը։

Պուտինը նշել է, որ զորավարժություններին ցուցադրվել է հմտության և ներդաշնակության բարձր մակարդակ, և հենց նման մանրակրկիտ աշխատանքը թույլ տվեց խաղաղապահներին հնարավորինս սեղմ ժամկետներում և առավելագույն արդյունավետությամբ տեղափոխել Ղազախստան: Նա հավելել է, որ ռուսական կողմից զորակազմի կազմի մեջ են օդուժի առավել պատրաստված ստորաբաժանումները. նրանք բոլորն ունեն իրական մարտական փորձ։

Անդրադառնալով խաղաղապահների գործողությունները ղեկավարող ռազմաօդային ուժերի հրամանատար, գեներալ-գնդապետ Անդրեյ Սերդյուկովին` Պուտինը նշել է, որ նա գիտի իր գործը։