Ֆրանսիայի հասարակական կարծիքի հետազոտության ինստիտուտ Odoxa-ն երկրի բնակչության շրջանում հարցում է անցկացրել ֆուտբոլի աշխարհի գործող չեմպիոն Ֆրանսիայի հավաքականի՝ Եվրո-2020-ում ելույթների վերաբերյալ: Դիդյե Դեշամի գլխավորած թիմը 1/8 եզրափակիչում հետխաղյա 11 մետրանոցներով պարտվել էր Շվեյցարիայի հավաքականին, փոխանցում է France Football-ը:

Հարցվածների 77 տոկոսը կարծում է, որ Դիդյե Դեշամը պետք է շարունակի աշխատանքն ազգային թիմի գլխավոր մարզիչի պաշտոնում:

65 տոկոս հարցվածներ հիասթափված են 1/8 եզրափակիչում պարտությունից: Երկրպագուների շրջանում այդ թիվը կազմում է 85 տոկոս:

Հարցմանը մասնակցել են 1005 ֆրանսիացիներ, այդ թվում՝ 476 ֆուտբոլային երկրպագուներ: