Հուլիսի 2-ից 10-ը Վրաստանի Բաթումի քաղաքում տեղի է ունենում «Batumi Municipality Cup-2023» շախմատի միջազգային մրցաշարը: Այս մասին հայտնել է Հայաստանի շախմատի ֆեդերացիան։ 

Հայաստանից մրցաշարին մասնակցում են 43 շախմատիստ:

4 խաղափուլից հետո «A» խմբում միանձնյա առաջատարն է Էրիկ Հակոբյանը, որը վաստակել է 3,5 միավոր։ Այսօր Էրիկը ոչ-ոքի արդյունքով է ավարտել իր խաղը մրցաշարի ամենաբարձր վարկանիշ ունեցող միջազգային գրոսմայստեր Գիգա Կուպարաձեի հետ:

«A» խմբում առաջատարների շարքում են նաև 3 միավոր վաստակած Սարգիս Մանուկյանը և Հայկ Երիցյանը։

«B» խմբում առաջատարների շարքում է Էդգար Հայրապետյանը՝ 3,5 միավորով:

«C» խմբում առաջատարների շարքում է 10-ամյա Գոռ Դաբաղյանը, ով վաստակել է 3,5 միավոր:

Մինչև 12 տարեկան պատանիների մրցաշարում առաջատարը Մարկ Գևորգյանն է, որը հաղթել է բոլոր 4 խաղերում: