Հեղինե Սարգսի Հովհաննիսյանը ծնվել է 1926թ-ի օգոստոսի 4-ին Երևանում։ 

1948 թվականին ավարտել է Երևանի գեղարվեստա-թատերական ինստիտուտը։

1948 թվականից խաղացել է Երևանի Գաբրիել Սունդուկյանի անվան ակադեմիական թատրոնում։ Լավագույն թատերական դերերից են՝ Գոներիլ՝ Ու. Շեքսպիրի «Արքա Լիր», Գլաֆիրա՝ Գորկու «Եգոր Բուլըչովը և ուրիշները», Վարյա՝ Ա. Չեխով «Բալի այգին», Լիզա՝ Տոլստոյի «Կենդանի դիակ», Չեբոկսարովա՝ Օստրովսկու «Կատաղի փողեր» և այլն։ Նկարահանվել էր կինոյում՝ «Տղամարդիկ», «Սայաթ-Նովա» և այլն։ Մասնակցել է ռադիո- և հեռուստաբեմադրությունների։ 

1968 թվականից դասավանդել է Երևանի գեղարվեստա-թատերական ինստիտուտում, եղել է պրոֆեսոր։

ՆԵՐԿԱՅԱՑՈՒՄՆԵՐ՝

Գոներիլ, Շեքսպիր՝ «Լիր արքա», Գլաֆիրա, Գորկի՝ «Եգոր Բուլըչովը և ուրիշները», Վարյա, Չեխով՝ «Բալի այգին», Պոպովա, Չեխով՝ «Արջը», Լիզա, Տոլստոյ՝ «Կենդանի դիակ», Չեբոկսարովա, Օստրովսկի՝ «Կատաղի փողեր», Քլեա, Ֆիգեյրեդ` «Եզոպոս», Թինա, Սունդուկյան՝ «Կտակ», Ամբրա, Ալդո Նիկոլայի՝ «Վերադարձիր Սորենտո», Սանամ, Շիրվանզադե` «Նամուս», Անտոնինա, Շիրվանզադե` «Քաոս»:

ՖԻԼՄԵՐ՝ 

"Հյուսիսային ծիածան", "Տղամարդիկ", "Հուսո աստղ", "Ապտակ" "Տեր, ողորմյա"

 Խաղացել է նաև ռադիոթատրոնում և հեռուստաբեմադրություններում:

1961 թ-ին արժանացել է ՀԽՍՀ վաստակավոր արտիստի, իսկ 1984 թվականին ՀԽՍՀ ժողովրդական արտիստի կոչումներին։ 

2002թ-ին արժանացել է ՀԹԳՄ «Արտավազդ» ամենամյա թատերական մրցանակի։

Մահացել է 2014թ-ին Երևանում։