ԵՐԵՎԱՆ, 15 դեկտեմբերի – Sputnik. ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը հրավիրվել է ԱԱԾ հարցաքննվելու։

Sputnik Արմենիայի հետ զրույցում այս մասին ասաց կուսակցության մամուլի խոսնակ Սոս Հակոբյանը։

Հարցին, արդյոք կարելի է այս ամենը դիտարկել որպես քաղաքական հետապնդում ընդդիմադիր գործչի նկատմամբ, կուսակցության մամուլի խոսնակը նշեց, որ գործը գաղտնի է, ու չի ցանկանում կապել այդ ամենը։

Հիշեցնենք, որ Արթուր Վանեցյանին ԱԱԾ կանչել էին նաև 2020 թվականի նոյեմբերի 16-ին, սակայն չի հաղորդվել, թե ինչ գործի շրջանակում և ինչ կարգավիճակով։