Ականապատ դաշտերի քարտեզները մեծ առավելություն կտան մեզ: Այս մասին հայտարարել է Ադրբեջանի նախագահ Իլհամ Ալիեւը, հաղորդում է «Ազերթաջ»-ը:

«Եթե մենք ստանանք բոլոր ականապատ տարածքների քարտեզները, ապա դա մեծ առավելություն կլինի, այլապես այդ աշխատանքները կտեւեն 10 տարի»,-ասել է նա:

Նա մեկնաբանել է հունիսի 12-ին 15 հայ գերիների վերադարձը: «Հայաստանը հանդես է եկել որպես երաշխավոր, եւ ականների վայրերը ճիշտ են նշված: Հայաստանը փոխանցել է Աղդամի շրջանի 97 հազար ականների քարտեզներ, որոնցից 54 հազար միավորը հակատանկային են,մնացածը՝ հակահետեւակային ականներ»,-նշել է նա:

Շուշի կատարած այցի շրջանակում Ադրբեջանի եւ Թուրքիայի նախագահները հռչակագիր են ստորագրել, որը ենթադրում է Աղդամում թուրքական զորախմբի տեղակայում: